മലയാറ്റൂർ രാമകൃഷാണൻ എഴുതിയ 33 കഥകളുടെ സമാഹാരമാണ് ബ്രിഗേഡിയർ കഥകൾ. ബ്രിഗേഡിയറുടെയും കൂട്ടരുടെയും സ്വകാര്യവും പരസ്യവുമായ ജീവിതം പച്ചയായ ഹാസ്യത്തിൽ പൊതിഞ്ഞ് അവതരിപ്പിച്ചിരിക്കുകയാണ് ഈ കഥകളിൽ. നാല് സുഹൃത്ത്ക്കൾ ഒരു ക്ലബ്ബിൽ വെച്ച് ഒത്തുകൂടുന്നു അതിലൊരാൾ ബ്രിഗേഡിയറാണ് പേര് വിജയൻമേനോൻ, മറ്റ് മൂവർ അഡ്വക്കേറ്റ് നടേശൻ, പ്ലാൻറർ പൌലോസ്, ബ്രിഗേഡിയറുടെ കഥകൾ എഴുതുന്നയാൾ പിന്നെയുള്ളത് ക്ലബ് ബെയറർ പപ്പനും. ഇവർ നാല് പേരും കൂടി ചർച്ച ചെയ്യുന്ന ഓരോ വിഷയത്തിനെയും ബന്ധപ്പെടുത്തി ബ്രിഗേഡിയർ അദ്ദേഹത്തിന്റെ പൂർവ്വകാല അനുഭവങ്ങൾ എന്ന രീതിയിലാണ് കഥകൾ പറയുന്നത്. ഈ കഥകളിലൂടെ ബ്രിഗേഡിയർ വിജയൻമേനോൻ എന്ന സിമ്പിൾ സോൾജിയർ ദേശീയം അന്തർദേശീയം,രാഷ്ട്രീയം, സാഹിത്യം, ശാസ്ത്രം, വിശ്വാസം, അവിശ്വാസം, അന്ധവിശ്വാസം, യുദ്ധം, മന്ത്രം, തന്ത്രം, നയതന്ത്രം, വൈദ്യം എന്നീ മേഖലകളുമായി ബന്ധപ്പെട്ടുള്ള അനുഭവങ്ങളാണ് പറയുന്നത്. ഇതിലെ ഓരോ കഥകളും ചരിത്രവും ചരിത്രത്തിൽ ഉള്ള വ്യക്തികളുമായും സംഭവങ്ങളുമായും ബന്ധപ്പെട്ടു കിടക്കുന്നു. ഇത് ബ്രിഗേഡിയർ അദ്ദേഹത്തിന്റെ അനുഭവ കഥയായി പറയുമ്പോൾ അല്ലെങ്കിൽ ഒരു സംഭവത്തിലുള്ള...
കേരളത്തിലെ അനുഷ്ഠാന കലകളിൽ പുരാതനമായ കൂത്തിൽ നിന്നും ഉണ്ടായ കലാരൂപമാണ് കൂടിയാട്ടം. കൂടിയാട്ടം സംസ്കൃത നാടകാഭിനയ രൂപത്തിലുള്ള നാട്യനാടക കലയാണ്. രണ്ടായിരത്തോളം വർഷം പഴക്കമുള്ള കൂടിയാട്ടം കൂത്തമ്പലം എന്നറിയപ്പെടുന്ന അമ്പലങ്ങൾക്കുള്ളിലെ ഒരു പ്രത്യേകമായി നിർമ്മിച്ച വെച്ചാണ് നടത്തുന്നത് മഹാഭാരതം, രാമായണം തുടങ്ങിയ ഇതിഹാസങ്ങളും പുരാണങ്ങളുമാണ് കൂടിയാട്ടത്തിൽ ഉപയോഗിച്ച് പോരുന്നത് കേരളത്തിലെ രാജാവായിരുന്ന കുലശേഖരവർമ്മൻ കൂടിയാട്ടത്തിനു പലമാറ്റങ്ങളും, പുതുമകളും വരുത്തി. കൂടിയാട്ടത്തിന്റെ മാധ്യമഭാഷ സംസ്കൃതമാണ് . പക്ഷെ ഈ കലാരൂപം സങ്കീർണവും സാധാരണക്കാർക്കും, ചില സന്ദർഭങ്ങളിൽ കലപണ്ഡിതന്മാർക്കുകൂടി മനസ്സിലാക്കിയെടുക്കാൻ ബുദ്ധിമുട്ടായിരുന്നു. ഈ സന്ദർഭത്തിലാണ് അദ്ദേഹത്തിന്റെ സുഹൃത്തും കലാകാരനും, പണ്ഡിതനുമായിരുന്ന തോലൻ ഈ പ്രശ്‌നത്തിന് പരിഹാരമായി കൂടിയാട്ടത്തിലെ നായക വേഷത്തോടൊപ്പം വിദൂഷക വേഷം കൂടി അവതരിപ്പിച്ചത് . ഇത് കൂടിയാട്ടത്തിന്റെ ആസ്വാദ്യത കൂടുതൽ ആക്കുക മാത്രമല്ല കൂടുതൽ ജനപ്രിയവുമാക്കി മാറ്റി . വിദൂഷകിനല്ലാത്ത കൂടിയാട്ടമില്ല എന്ന നിലയോളം എത്തിച്ചേരുകയും ചെയ്തു. സുഭദ്രാധ...